CAGAYAN DE ORO CITY – Pirmahan ni City Mayor Oscar Moreno ning semanaha ang ordinansa nga magsilot sa mga residente nga pakyas magsul-ob sa face mask sa mga pampublikong lugar sa syudad.
Kini nga ordinansa ang gimugna ni Councilors Edgar Cabanlas ug Ian Mark Nacaya isip precautionary measures aron mabatukan ang pagkaylap sa Covid-19.
Apan gitin-aw sa alkalde nga pirmahan lamang niya ang maong ordinansa kon ugaling mapang-apod apod na sa tanang mga residente ang 100,000 ka face masks nga iyang gipahimo.
Hisayran nga ang mga makasupak sa maong ordinansa ang mag-atubang sa silot pinaagi sa community service.
