CAGAYAN DE ORO CITY-Gidili pa gihapon sa Task Force Bangon Marawi ang pagpasulod sa mga ordinaryong sibilyan sa main battle area sa Marawi City.
Kini sa tuyo nga dili mabutang sa peligro ang publiko samtang wala pa mahingpit ang paghaw-as sa mga eksplosibo nga nangabilin atol sa lima ka bulan nga opensiba sa militar batok sa grupong Maute-ISIS.
Miingon si Presidential spokesperson Harry Roque nga tuyo niini nga mismo ang mga sundalo ug mo-trabaho sa pagpabangon sa Marawi City ang dili mabutang sa peligro.
Una niini, kapin 2-mil ka internally displaced persons ang naka-graduate na sa ilang technical studies nga gilusad sa TESDA.
