CAGAYAN DE ORO CITY – Uyon ang Kapisanan ng mga Broadaster ng Pilipinas o KBP-Cagayan de Oro Chapter sa sugyot ni Senator RaffyTulfo nga wad-on na sa balaod nga obligado ang media motunga sa court hearings kabahin sa illegal drugs operations sa mga otoridad.
Kini human nakit-an sa senado nga dakong hasol alang sa mga sakop sa media nga ipatunga-tunga sa court hearing isip testigo nga side sa gobierno.
Miingon si kanhi KBP-Cagayan de Oro chapter president Ronald Rufin nga dugay na kini nila gihingusgan ug unta dili na mag-resulta sa walay hinungdan ang pagtuki niini sa senado.
Dumduman nga komon nga reklamo sa pipila ka media practitioners nga hasol kaaayo ug risgo nga mopakita hearing diin mag-abot ang mga sinumbong ug ang nanumbong.
