CAGAYAN DE ORO CITY – Naka-rekober na ang bugtong pasyente nga positibo sa Coronavirus Disease o COVID-19 sa Cagayan de Oro City bisan sa nagsaka nga ihap sa mga tawong natakbuyan sa tibuok nasud.
Kini human milampos ang Northern Mindanao Medical Center o NMMC nga mahatagan sa kaayuhan ang 71 anyos nga COVID-19 positive nga taga-Brgy 9 dihang natakdang sa maong sakit gikan sa kauluhan sa miaging Marso ning tuiga.
Miingon si Dept of Health o DoH-10 asst regional director Dr David Mendoza nga gihulat na lamang nila ang re-evaluation sa health condition ni Patient 597 ayha hingpit ipagawas sa ospital.
Nakuha sa maong pasyente ang bayrus samtang nakabisita kini sa kauluhan sa miaging Marso ning tuiga.
Samtang giklaro sa Dept of Health o DoH-10 nga makatakod ang kagaw nga dala sa coronavirus disease pinaagi sa hangin gikan sa pasyente padulong sa mga tawo nga nakapaduol kaniya.
Kini sukwahi sa impormasyon nga makuha lamang kini nga gikan sip-on ug laway sa tawo nga miubo.
Miingon si Dr Ian Gonzales,chief sa Infectious Diseases Cluster sa DoH-Northern Mindanao nga sagad kini mahitabo sa mga pasyente nga anaa sa ospital.
Kini ang hinungdan nga angay e-mintinar sa tawo ang personal hygiene ug ubang health protocols aron dili dali matakbuyan.
