CAGAYAN DE ORO CITY-Naka-full alert ang kapolisan inabagan sa militar sa paghatag seguridad sa katawhan batok sa
bahad sa pag-atake sa mga terorista dinhi sa syudad.
Kini tungod sa gihimo nga pagpangatake sa teroristang Maute diin na-engkuwentro sa militar nga nagresulta sa pipila ka kinabuhi na ang nakalas nga gilakipan sa mga sundalo ug pulis sa Marawi City kagahapong adlawa.
Matud ni Cagayan de Oro City Police Office o COCPO spokesperson C/Insp Mardy Hortillosa II nga ang seguridad nga ilang gipatuman ang epekto sa kamanduan sa ilang kadagkuan batok sa mga hadla sa
terorismo.
Samtang naka-koordinar karon ang 4th ID,Philippine Army sa PNP-10 alang sa paghatag seguridad sa entrance
ug exit points sa Northern Mindanao.
Kini sa tuyo nga mapugngan ang posibleng divertionary tactics nga himoon sa Maute terror group nga responsable sa kagubot sa Marawi City.
Matud ni 4th ID spokesperson Capt Joe Patrick Martinez nga wala usab sila mopalu-ag sa ilang seguridad tungod sa kagubot sa Lanao del Sur.
