Gipamugos sa Task Force Oro nga walay dakung hulga ang syudad sa Cagayan de Oro ning panahon sa Semana Santa.
Gibutyag ni Task Force Oro commanding officer Colonel Manuel Estanilla nga wala silay namatikdan nga grupo nga posibleng musabway sa terorismo o kagubot sa syudad.
Gihimo ni Estanilla ang pahayag luyo sa pag-ambush sa mga pulis ug political personalities sa Maguindanao Region, ning naglabay nga bulan.
Lakip sa gihimong sumbanan sa intelligence information sa task force ang monitoring gikan sa National Intelligence Coordinating Agency ug Regional Intelligence Coordinating Committee kundiin miyembro niini ang PNP ug ang ilang pundok.
Gihupay usab sa opisyal ang kabalaka sa publiko nga basin adunay maglihok nga grupo sa syudad nga konektado sa kagubot sa Middle East.
Giseguro sa grupo ni Estanilla nga hugot ang ilang ipatuman nga mga checkpoints ilabe sa mga lugar nga sagad dagsaon sa katawhan.
