CAGAYAN DE ORO CITY – Nagtoo si kanhi City Mayor Oscar Moreno nga dunay dili maayong motibo ang mga tawo nga nagpalibot kang incumbent City Mayor Rolando Uy kon daw tig-a ang ilang pagtubag sa hangyo sa Cagayan de Oro Water District o COWD water increase proposal.
Miingon si Moreno nga angay unta tabangan ang maong ahensiya kay dayag ang kagustuhan niini nga pag-alagad sa dakbayan.
Siya miingon nga dili igo ang mga rason sa mayor aron hikawan sa tabang ang kasamtangang kahimtang sa COWD.
Samtang gipanghimakak ni Uy ang panaghap sa iyang kanhi kaalyado sa politika nga si Moreno kabahin sa isyu sa panubig sa dakbayan.
Namugos ang mayor nga kalooy sa katawhan ang nagpatigbabaw sa iyang kasingkasing rason nga gihangyo niini ang COWD nga ipadaplin lamang ang una ang gipangayo nga water rate adjustments.
Siya miingon nga gi-balanse lamang niini ang kahimtang sa COWD ug katawhan pag-abot sa maong isyu.
Dumduman nga mismo ang mayor usab nag mihangyo sa Metro Pacific nga naghawid sa Cagayan de Oro Bulk Water Incorporated o COBI nga dili ihinayon ang paghunong na nila’g suplay sa tubig sa COWD epekto sa sobra 400-milyones pesos nga bayronon.
