CAGAYAN DE ORO CITY-Gilaumang magpagawas karong adlawa sa tubag ang namunuan sa Northern Mindanao Regional Training Hospital may kalabutan sa alegasyon nga gihukahaag internal organs ang 15-anyos nga lalaki nga namatay sa maong ospital.
Sumala ni Brgy Lapasan Administrator Jeoffrey Baconga nga namatay sa sakit nga hepatitis niadtong milabayng semana si Chan Gamao nga molopyo sa maong Barangay ug gihangyo sa medical staff sa ospital ang pamilya niini nga kuhaan sa sample ang lawas sa binatilyo busa miuyon ra usab sila.
Dugtong ni Baconga nga dako ang kahikurat sa pamilya gumikan kay pag abot sa punerarya, nasuta nga walay nay utok ang bata ug wala na usay sulod ang tiyan gawas lamang sa mga diaryo.
Kasamtangang gihaya ang patayng lawas sa biktima sa Chapel sa San Juan 1 sa maong Barangay.
