Hinimok ng Roads and Traffic Administration sa pamamagitan ni Department Manager Doy Ramiro ang lahat ng drayber ng pampublikong jeepney sa lungsod na maging tapat sa itinalagang linya at tratuhin nang tama ang mga pasahero.
Ipinaalala ng opisyal na ang pagbalewala at pagbiyahe sa labas ng ruta ay nagdudulot ng pag-iiwan sa mga pasahero sa kalsada, na sumisira sa tiwala sa pampublikong transportasyon.
Binigyang-diin ng tanggapan na ang naturang gawi ang mismong dahilan kung bakit nawawalan ng suki ang mga jeepney at lumilipat ang mga komyuter sa paggamit ng mga ilegal na habal-habal at bao-bao.
Idinagdag ng opisyal na magsasagawa muna ng paunang babala sa mga linya bago magpatupad ng pormal na panghuhuli at pagpapalabas ng citation ticket sa mga lalabag na drayber.
