(Update) CAGAYAN DE ORO CITY – Misaka pa sa lima ka kinabuhi ang nakalas sa panagbangga sa Toyota Hi-Ace Van ug Nissan Navarra Pickup sa Purok 1,Brgy Mauswagon,Laguindingan,Misamis Oriental.
Kini human gikompirma ni Police Regional Office 10 spokesperson Major Joann Navarro nga miapas sa pagkamatay ang anak nga minor de edad sa mismong drayber sa van nga si Emmanuel Tobias samtang gihataga’g medikasyon sa ospital.
Miingon si Navarro nga subay sa Laguindigan Police Station nga nakasuhan na sa tulo ka kasong kreminal ang van driver nga dili ra grabe sa maong aksidente.
Nasuta nga ang sobra ka kusog sa dagan sa van ang hinungdan nga nawala ang preno hinungdang misungag sa pikas lane nga gimaneho ni Arnold Ebasan.
Hisayrang kabahin sa unang namatay sila Bernabe Duque,68 anyos;Reynante Patibig,42 anyos ingo man si Tita Escoro, 61 anyos nga pulos taga-Pagadian City nga sakay sa van ug miapas pagkamatay si Alvin Lomongo,55 anyos nga gikan sa pickup.
