Layo ug taas-taas pa man ang proseso sa impeachment trial ni Vice President Sara Duterte, naghinaot ang pundok sa Youth Rage Against Corruption nga ma-convict ang VP sa katapusan sa taas nga paghusay.
Sa usa ka interview sa Bombo Radyo gitin-aw ni Tiffany Faith Brilliante, co-convenor sa Youth Rage Against Corruption, nga ang sangputanan sa maong paghusay maoy magsilbing timailhan kung unsa gayod ang estado sa hustisya ug pagpanubag sa atong nasod.
Dugang pa ni Brilliante, nanawagan sila sa mga kabataan sa tibuok nasod nga magpabiling mabinantayon samtang nagpadayon ang mga serye sa impeachment cases nga gipaabot pang isalang sa Senado.
Subay sa gipamulong sa maong opisyal, giisip na nila nga overdue na ang maong proseso sanglit duha na ka tuig ang milabay sukad nga unang gi-file ang impeachment case niadtong 2024.
