Gipalig-on karon sa Land Transportation Franchising and Regulatory Board (LTFRB) Region 10 ang organisado ug episyenteng operasyon sa pampublikong transportasyon sa rehiyon.
Pinaagi sa Land Transportation Planning and Rationalization Program, nakig-partner ang ahensya sa mga lokal nga kagamhanan aron malikayan ang overlapping sa mga ruta ug mapugngan ang operasyon sa daghang kolorom nga sakyanan.
Gi-awhag usab ang publiko nga motabang pinaagi sa paghatag og verified nga impormasyon, litrato, o video sa mga kolorom nga sakyanan, nga pwede i-send sa opisyal nga Facebook page sa LTFRB Region 10.
Ang ahensya nagkokoordinar sa Land Transportation Office ug kapulisan aron mapadali ang aksyon batok sa kolorom ug masiguro ang hapsay nga daloy sa trapiko.
Gilauman nga pinaagi niini, mas mapaligon ang sistema sa transportasyon ug mas maprotektahan ang katawhan sa Region 10. (Jane Abulag)
