Nagka-lantugi ang mga alyado ug mga kritikong mga kongresista ni Vice Pres Sara Duterte sa laing adlaw pagtuki sa binilyong pondo nga alang sa Office of the Vice President sunod tuig.
Kini human gusto ni Sagip-pamilya partylist Rep Rodante Marcoleta nga ihunong na ang paghisgot OVP budget agi’g pagsunod sa inter-parliamentary courtesy niini.
Apan gisupak kini sa 45 ka magbabalaod nga naglakip ni ACT partylist Rep. France Castro ug Gabriela partylist Rep Arlene Brosas.
Kini ang hinungdan nga sa boto nga 45 pabor ug 3 lang supak,ipadayon gihapon ang paghisgot sa maong pondo bisan kon wala na tungahi ni VP Sara kay alang kaniya naghinobra na ang politika.
