Nakadawat ang Office of the Vice President (OVP) nga gipangulohan ni Vice President Sara Duterte sa “unmodified opinion” gikan sa Commission on Audit (COA) alang sa ikatulong sunod-sunod nga tuig, nga nagpasabot sa maayong pagpresentar ug misubay sa mga pamantayan sa accounting ang ilang financial statements alang sa tuig 2024.
Nakita sa COA nga walay seryosong problema o kalapasan sa paagi sa pagdumala sa pondo sa OVP.
Ang “unmodified opinion” usa ka pinakataas nga klase sa audit rating, nga nagpasabot nga husto ug limpyo ang pagdumala sa kuwarta sa gobyerno base sa ilang financial report.
Kini nga opinyon nagbase lamang sa financial statements ug wala nagpasabot nga walay laing isyu sa operasyon sa ahensya.
