CAGAYAN DE ORO CITY, Philippines – (update) Andam ang Office of the Vice President nga makadawat sa ZERO BUDGET alang sa 2025 budget allocations sa buhatan.
Tubag kini ni Vice President Sara Duterte human makadawat sa impormasyon nga laraw siyang serohan sa Budget Appropriations Committee sa Kamara.
Miingon si Duterte nga makalihok gihapon ang buhatan bisan walay ihatag nga pondo gikan sa gobyerno.
Mahinumduman nga kaduha ka kahigayon gibaraw nila Committee Vice Chairpersons Estella Quimbo, Maria Carmen Zamora ug tibook miyembro sa Makabayan bloc ang kapin 2-B pesos nga proposed budget sa OVP sunod tuig.
Kagahapon, wala mitunga sa ikatolong hearing ang bise ug mas gipili nga magpa-interview sa media kabahin sa iyang baruganan kung nganong nawad-an kinig kumpiyansa sa mga magbabaload kamarabaha.
