CAGAYAN DE ORO CITY-Nakaandam na ang Overseas Worker and Welfare Administration o OWWA-10 sa paghatag assistance sa OFW’s nga anaa sa South Korea nga naglaraw mopauli sa Rehiyon-10.
Kini nunot na sa nasinatiang tensiyon sa maong nasud tungod sa gipahigayon nga sunod-sunod nga ballistic missile sa North Korea.
Matud ni OWWA regional director Leonor Mabagal nga andam kanunay ang ilang ahensiya sa pagtabang sa OFWs nga maapektuhan sa maong tensiyon.
Hisayran nga naglaraw mopauli sa Pilipinas ang pipila ka overseas Filipino workers kun ugaling mosamot ang tensiyon sa South Korea tungod sa missile threats sa North Korea.
