CAGAYAN DE ORO CITY – Nakahimo’g laing dagkong kremin ang notoryus nga robbery group nga naglihok sa Ozamiz City didto sa Cebu City pinaagi sa pagtulis sa duha ka jewelry stores sa miaging semana.
Kini human nadakpan sa follow-up operations sa kapolisan ang usa sa mga sakop sa giingong Parojinog robbery group dihnag gitulis ang mga tindaha’g alahas.
Miingon si Cebu City Police Office officer-in-charge Col Antonietto Cañete nga kabahin sa nadakpan si Marcial Ponesto diin nabawi gikan sa posisyon niini ang ubay-ubay’ng mga ebedensiya sa pagpatulis.
Siya miingon nga subay sa imbestigasyon nga upat sa mga mitulis ang aktibong sakop sa Parojinog group ug laing lima taga-Mindanao apan nagpuyo na sa Cebu City.
