CAGAYAN DE ORO CITY-Nakatunob sa unang higayon ang 50 ka brgy kapitanes sulod sa Malakanyang ug Kongreso nga gikan sa Ozamiz City.
Kini human hatagi’g tour sa kontrobersyal nga si Ozamiz City Police Office commander C/Insp Jovie Espenido ang 50 gikan sa 52 ka kapitanes kinsa kaabag niini sa anti-criminality campaign sa maong syudad.
Gihagit ni Espenido ang mga brgy nga gamiton nila ang nakat-unan ngadto sa ilang kabarangayan aron makab-ot ang kagustuhan ni Pres Rodrigo Duterte nga mahaw-as sa gidiling droga ang katawhan sa Ozamiz City.
Si Espenido ang una nang gusto ipadagan pagka-mayor sa katawhan sa Ozamiz City apan napakyas kay kalit gibalhin sa Bicol Region sa miaging tuig.
Si Espenido ang natahasan ni Duterte paglimpyo sa ilegal nga droga diin napatay niini kay giingong misukol ang mga Parojinog sa Ozamiz City sa tuig 2017.
