CAGAYAN DE ORO CITY – Gikasubo ni Ozamiz City Mayor Sancho Oaminal ang report nga usa ka pasyente ang nagpositibo sa coronavirus o Covid-19 sa iyang area of responsibility.
Naka-confine sa Mayor Hilarion Ramiro Sr. Medical Center ang 45-anyos nga lalaki, seaman ug residente sa Jimenez, Misamis Occidental.
Gibutyag ni Oaminal nga gikan sa kauluhan ang pasyente ug usa siya ka Person Under Monitoring gumikan sa virus dihang mipauli sa Mindanao niadtong Marso 14 sakay sa Philippine Airlines.
Hisayran nga mao na kini ang ikaduhang kaso sa COVID-19 sa rehiyon human usa ka 71-anyos nga lalaki ang nagpositibo sa virus dinhi sa syudad.
