CAGAYAN DE ORO CITY-Nagkabangi karon ang mga nabiling opisyal nga maoy nagdumala sa kagamhanang lokal sa Ozamiz City.
Kini sukad nga napatay sa police operation si Ozamiz City Mayor Reynaldo Parojinog Sr ug nabilanggo usab si Vice Mayor Nova Princess Parojinog.
Maoy gitumbok ni acting Ozamiz City Mayor Irene Luansing ang paglisud-lisod sa unom ka city councilors nga alyado sa mga Parojinog sa iyang pagdumala sa syudad.
Giangkon ni Luansing nga laraw kining ipalagpot sa puwesto aron ipadayon ang paghari-hari sa mga Parojinog sa Ozamiz City.
Gani,laraw pa sa wala panganling konsehal nga kibhangan sa sayes gikan siyete milyon pesos ang ilang city annual budget aron apektado ang pondo sa anti-illegal drugs campaign sa Ozamiz City.
