CAGAYAN DE ORO CITY – Gikompirmar sa Ozamiz City Police Office nga dunay mga drug pusher sa gagmay’ng korte sa ilang syudad.
Kini human ibulgar sa dinakpan nga si warrant and subpuena server Rolando Ruiz tungod sa ilegal nga droga sa miaging semana.
Miingon si Ozamiz City Police Office commander Police Maj Jovie Espenido nga partikular nga gitumbok ni Ruiz ang mga kakunsabo niini sa mga buhatan sa Public Attorneys Office o PAO ug Parole and Probation Office.
Dugtong niini,gihataga’g ultimatum ni Espenido ang mga trabahante sa maong mga buhatan nga motahan hangtod sa Setyembre 8 ning tuiga.
Si Ruiz ang nakabase sa regional trial court branch 15 dihang nasikop sa mga otoridad.
