CAGAYAN DE ORO CITY-Gihupay ni City Mayor Reynaldo Parojinog Sr nga nagpabilin ang kahusay’g kalinaw sa tibuok syudad sa Ozamiz.
Kini bisan nga napatay sa kapolisan ang siyam ka kriminal nga suspek sa sunod-sunod nga pagpamatay ug pagpanulis sa mga establisemiento sa maong dakbayan.
Gibutyag ni Parojinog nga ang nahitabo sa 9 ka suspek ang tin-aw nga mensahe nga dili palabyon sa kapolisan ang mga tawong nagtinguha sa pagpanabotahe ilabina kon mohimo’g pagsukol.
Una niini, lakip sa napatay sa englwento sila Alfie Mahusay;Anjun Simene;Lito Manisan;Romeo Libaton;Jerry Manzano;Joel Mira;Franciso Manzano ug Consorcio Rubio Sr.
Nasikop usab sa kapolisan sila si Carmelita Manzano;Luareta Ugmad;Janice Manzano;Monaliza Ugmad;Jonner Libatog ug PO2 Diosdado Hinoctan nga nadestino sa Tangub City Police Station.
