CAGAYAN DE ORO CITY- Gikalipay ni kanhi Albuera Police Station commander ug karon Ozamiz City Police Station head C/Insp Jovie Espenido ang pagsikop kang former CIDG 8 regional director Supt Marvin Marcos didot sa Eastern Visayas.
Kini human gipalugwa sa korte ang warrant of arrest batok Marcos ug laing 19 ka kauban gumikan sa pagpatay kang Albuera Mayor Rolando Espinosa Sr samtang nabilanggo niadtong Nobyembre 6,2016.
Si Espenido miingon nga dili mahimo nga ordinaryong tawo lamang ang dali nga sikupon apan bisan ang anaa sa taas nga posisyon.
Si Espenido ang naka-kumbinser kang Espinosa nga mo-testigo sa gobierno diin kabahin ang grupo ni Marcos nga nabulgar nga tigdawatan sa drug money.
Hisayrang gibutyag pa ni Espenido nga mirisi ang gidangatan sa grupo ni Marcos tungod sa pagpadakop kanila sa korte kagahapong adlawa.
