CAGAYAN DE ORO CITY-Nawad-an na’g legal counsel ang kapolisan sa Ozamiz Police Station sa Ozamiz City,Misamis Occidental.
Kini human misibog na si Atty Andres Fuentes Jr isip ‘pro bono publico’ o libre naghatag sa iyang serbisyo aron hawiran ang mga kaso nga gipasaka sa kapolisan batok sa mga suspek nga masikop sa kapolisan sa Ozamiz City.
Gibutyag ni Fuentes nga maglisod na kini’g apas sa iyang oras tungod sa kadaghan mga kaso nga gihawiran niini,hinungdan gibuhian niya ang pagsilbing abogado nga libre sa Ozamiz PNP.
Gibutyag ni Fuentes ang mihatag sa libreng serbisyo subay usab sa hangyo ni kanhi Ozamiz City Police Office commander Supt Jovie Espenido nga gi-relib ug gibalhin sa Catanduanes sa Bicol Region.
Sa panahon ni Espenido, nahimong isog ang mga tawo ug nahimong gawasnon dihang napatay sa police operation ang pipila sa mga Parojinog niadtong July 2017.
