Gipasidunggan sa Senado ang sikat nga P-pop girl group nga BINI tungod sa ilang kontribusyon sa musikang Pilipino ug sa labing una nga Filipino act nga nag-perform sa international music festival nga Coachella.

Personal nga gidawat sa walo ka miyembro sa grupo nga sila Aiah, Maloi, Jhoanna, Mikha, Colet, Gwen, Sheena ug Stacey ang pag-ila gikan sa mga Senador.

Gi-endorso ni Senador Bam Aquino ang Senate Resolution 370 nga nag-ila sa BINI isip inspirasyon ug garbo sa nasud tungod sa ilang ambag sa OPM ug sa pag-angat sa kulturang Pilipino sa tibuok kalibutan, nga gi-suportahan usab ni Senador Risa Hontiveros.

Human sa opisyal nga pag-ila, nakakuha usab sa higayon ang mga Senador ug staff nga makapakuha sa pictures uban sa grupo nga gikalipay sa mga fans nga mitambong sa Senado

RELATED ARTICLESMORE FROM AUTHOR