CAGAYAN DE ORO CITY – Nabawian sa kapolisan sa sobra 1.2 milyones pesos nga balor sa gitoohang ilegal nga droga ug ubang kontrabando gikan sa halos 90 ka suspected law violators sa nagkadaiyang bahin sa Northern Mindanao.
Kini alayon sa ilang subsob nga pagpatuman sa nagkadaiyang balaod nga naglakip sa kasupakan sa ilegal nga droga,pagkupot sa ilegal nga mga armas,gidiling mga pasugal ug nag-aresto sa dugay nang mga wanted person sa rehiyon.
Namahayag ang Police Regional Office 10 nga sa gilusad nga anti-illegal drugs operations,nakadakop ang ilang lower units sa 60 ka suspected pushers diin anaa sa 184.424 grams sa shabu ug 5.12 grams sa marijuana.
Nadakpan usab sa laing mga operasyon ang 23 ka personalidad nga nalambigit sa ilegal nga pasugal diin sila nabawian sa sobra 3-mil pesos nga gambling items.
Nahipos usab sa PNP lower units ang halos 70 ka personalidad nga dunay lain-laing kasong kriminal diin naglakip sa unom ka most wanted ug dugang 61 wanted persons.
Nakatala usab ang Camp Alagar sa nagkadaiyang klase sa armas gikan sa tulo ka dinakpang personalidad samtang 19 sa mga pusil ang boluntaryong gitahan alang sa safekeeping.
