CAGAYAN DE ORO CITY – Gihupay ni incumbent Tagoloan Mayor Atty. Nadya Emano-Elipe ang kabalaka kabahin sa posibleng pagkadamay sa mga kabalayan samtang natigayon ang sunog sa dakong bodega sa Brgy Sta Cruz sa ilang lungsod nga milungtad na sa halos 10 ka oras.
Kini human pabiling wala pa gihapon napalong sa mga bombero ang kalayo nga milamoy sa mga produkto nga naka-stock sa Sara Jane warehouse nga giingong gipanag-iya sa pamilyang Mahandani.
Namahayag ang mayora nga kamulo pa gihapon nakatutok ang mga bombero gikan sa Misamis Oriental ug Cagayan de Oro aron mahingpit nga dili makahimo’g dugang kadaot ang maong sunog.
Gawas sa mga ukay-ukay ug pipila ka furniture products nga nasunog,apil usab nga nadamyos ang pipila ka sakyanan.
Hinoon,walay trabahante nga nalukong o naangol sa pag-ulbo sa sunog.Wala pa’y gihatag nga damyos ang taga-BFP ug kon unsa ang rason sa maong sunog.
a pagkutlo usab ning balita,anaa sa 1.2 milyon pesos ang structural damage sa maong sunog.
