CAGAYAN DE ORO CITY – Gihimuan pa’g dugang imbestigasyon sa mga naglangkob sa PDEA RO-X Seaport Interdiction Unit sa Misamis Oriental ug PDEA RO-X Regional Special Enforcement Team ang pagtumbok sa pagkatawo sa consignee sa balor P1.2 million nga marijuana bricks ning syudad.
Kini human gilusad nila ang K9 paneling and inspection rason sa pagka-diskobre sa 10 kilos nga marijuana bricks.
Namahayag si PDEA 10 regional director Atty Benjamin Gaspi nga subay sa gitaho sa maong mga buhatan nga nagmatngon sila magpagawas sa dugang pahayag sanglit tiggamitan sa dili tinood nga mga pangalan ang mga sakop sa sindikato sa ilang mga transaksyon.
Gipasalig sa opisyal nga walay hunong ang ilang pakigbatok sa drug trafficking ug paghatag seguridad sa publiko batok sa ilegal nga droga.
