Mukabat sa 1.2 million pesos ang gibana-bana nga damyos human gilamoy sa sunog ang tulo ka classroom sa Merry Child School kagahapong adlawa.Gitin-aw ni Bulua Fire Station Commander FINSP Benie Jaudian nga nagsugod ang dilaab sa kalayo sa stock room nga nahimutang sa luyo sa Prefect of Discipline room samtang nagsugod na ang klase sa mga bata.Hinoon, nagpabilin nga luwas ug walay naangol nga mga estudyante ug magtutudlo tungod sa paspas ug hapsay nga pag-evacuate paingon sa luwas nga dapit.Sa pagkakaroon, padayon pa ang gihimong imbestigasyon sa BFP diin usa sa mga pangunang anggulo nga gilantaw mao ang bahin sa kuryente.
