CAGAYAN DE ORO CITY-Natala ang sunod-sunod nga pagkasunog sa gambalay sa magsilingan lamang nga Brgy 13 ug 15 ning syudad kagahapong adlawa.
Kini human unang gilamoy sa dakong kalayo ang tulok andana nga ancestral house nga iya ni Atty Mordeno Cua nga nahimutang diha sa Kalambaguhan-Burgos Streets sa syudad.
Gibutyag ni BFP-CdeO District Fire Marshall C/Insp Wilfredo David nga wala nila wad-a ang tanang anggulo kon nganong nasunog ang maong gambalay ilabina posibleng electrical short circuit.Nagbaton sa inisyal nga P800-mil ang structural damage sa maong sunog.
Una usab niini,gilamoy sa kalayo ang mga pinuy-anan nila ni Maria Luz Ti-on ug Jaime Tisaba sa Macahambus-Kalambaguhan Streets sa Brgy 15 diin nagtala usab sa 300-mil pesos nga structural damage.
