CAGAYAN DE ORO CITY – Nabawian sa kapolisan sa sobra 1.3 milyones pesos nga ilegal nga droga ang 75 ka suspected drug pushers-users sa magkalahi nga operasyon sa palibot sa Northern Mindanao region sulod lang sa usa ka semana.
Namahayag ni Police Regional Office 10 spokesperson Maj Joann Navarro nga epekto kini sa weeklong intensive law enforcement operations batok sa targreted personalities.
Siya miingon nga sa 168 ka nadakpan nga personalidad, 75 niini ang anaa sa kalambigitan sa ilegal nga droga diin nakompiskar ang kapin 201 gramos nga shabu.
Gawas sa ilegal nga droga nga kampanya, nadakpan usab sa ilang lower units ang 43 ka suspek nga nalambigit sa ilegal gambling activities diin sobra 11-mil pesos nga gambling items ang nabawi.
Hingpit nang nahulog usab sa mga kamot sa balaod ang 45 ka akusado sa nagkadaiyang kremin diin pito ang most wated persons ug 38 ang ordinary wanted persons lamang.
Nakakuha usab ang lower units sa walo klase-klaseng armas epekto sa gipakusog nga kontra boga operations diin detinado na sa karsel ang pito ka dinakpan niini.
Kini nga kalampusan ang resulta sa walay hunong nga mando ni Police Regional Office 10 Director Brig Gen Ricardo Layug Jr nga nagtumong sa pagmintinar sa kahusay’g kalinaw dinhi sa rehiyon.
