CAGAYAN DE ORO CITY -Kasuhan sa pagsupak sa Comprehensive Dangerous Drugs Act of 2002 ang 25 anyos nga babayeng estudyante nga nadakpan sa hiniusang operasyon sa Philippine Drug Enforcement Ageny o PDEA 10 ug Philippine National Police o PNP sa Brgy South Población,Maramag,Bukidnon.
Kini human nakuhaan sa 200 gramos nga gitoohang shabu nga nagbalor sa 1.36 million pesos ang suspek nga si alyas Almera nga taga-Wao,Lanao del Sur.
Miingon si PDEA 10 regional director Atty Benjamin Gaspi nga nadakpan ang suspek sa buy bust operation hinungdang nabawian sa dala nga kontrabando.
Nagtoo si Gaspi nga sinugo lang ang suspek sa mga sindikato sa illegal nga droga nga naglihok sa Lanao del Sur ug gasulod sa Bukidnon.
Samtang gihimakak usab sa suspek nga siya ang tag-iya sa shabu apan wala mitug-an kon kinsa ang nagsugo kaniya kabahin sa kalihukang ilegal.
