CAGAYAN DE ORO CITY – Gipalawman pa sa PDEA- 10 ang pag-ila sa mga koneksyon sa suspected high value target nga ilang nadakpan diha sa Brgy Consolacion ning syudad sa miaging gabii.
Giila ni PDEA-Misamis Oriental Provincial Director Expedito Cardona Jr ang HVT suspect nga si Romeo Requirmen Jr,legal ang edad nga nagpuyo sa lugar.
Miingon si Cardona nga natumbok nga si Requirme ang pinakadako nga shabu supplier nga naglihok sa maong barangay.
Gawas kaniya,na-aresto usab ang laing upat ka gitoohang parokyano niini sulod sa suspected drug den.
Una nang nabawi ang 200 gramos nga gitoohang shabu nga dunay balor nga 1.3 milyones pesos.
Gitakdang kasuhan sa pagsupak sa akta republika 9165 ang mga dinakpan sa piskalya ning syudad karong adlawa.
