CAGAYAN DE ORO CITY – Gipaniguro sa Philippine Drug Enforcement Agency 10 nga lig-on ug dunay ensaktong basehan ang gidusong kaso batok high value target individual nga ilang nadakpan sulod sa motel o inn sa Brgy Kauswagan ning syudad.
Kini human naduso na ang kasong pagsupak sa akta republika 9165 batok sa dinakpan nga si Crissa Maña,hingkod ang edad ug taga-Iligan City.
Miingon si PDEA 10 regional director Atty Benjamin Gaspi nga subay usab sa confirmatory test,positibong shabu ang nabawi gikan sa suspek nga 200 gramos nga kontrabando sa miaging gabii.
Siya miingon nga gitugyan na nila sa prosekusyon ang pag-determinar kon dunay gimbug-aton ang kasong gipasaka batok suspek nga nabawian sa balor 1.3 milyones pesos nga shabu.
