CAGAYAN DE ORO CITY – Nakasuhan na sa kapolisan ang drayber ug pahenante nga giingong nabawian sa 5-mil ka reams sa sigarilyong Cannon ug Delta dihang naharang sa police checkpoint sa Brgy Amoros,El Salvador City,Misamis Oriental.
Miingon si Misamis Oriental PNP spokesperson Police Lt.Theofratus Pia nga maoy nasang-atan sa kasong kriminal sila si Albert Nano,26 anyos ug Rochelle Bongolo,28 anyos nga gikan pa sa Brgy Alegria,Pagadian City.
Saysay ni Pia nga posibleng ikatag ang maong kontrabando sa kalungsuran sa Misamis Oriental ug Caraga region apan nabawi kini sa kapolisan.
Mibalor sa 1.4 milyones pesos ang gatos ka karton sa mga sigarilyo nga gisakay sa closed van sa miaging gabii.
