CAGAYAN DE ORO CITY – Dili makiangayon nga pasagdan nga sulbi mapangutang sa binilyong salapi ang liderato ni Gov Bambi Emano sa mga bangko nga nakabase ning syudad.
Kini aron gamiton sa pagtukod sa bag-ong prisohan aron mabalhin ang mga binilanggo sa Misamis Oriental Provincial Jail sa lungsod sa Initao.
Miingon si kanhi MisOr Vice Gov Joey Pelaez nga kuwestiyonabli ang resolusyon nga gipasar sa mayoriya sa Sangguniang Panlalawigan aron tugtan ang 1.5 bilyon pesos nga bank loan ni Emano.
Namugos si Pelaez nga angay lamang babagan sa minoriya sa SP ang pagpangutang sa gobernador kay dili haom sa panahon sa COVID-19 pandemic.
Samtang kumpiyansa si Emano nga molampos P1.5 billion bank loan nga gitumong paghatag serbisyo sa katawhan sa lalawigan.
Miingon si Emano nga sihag ug kumpleto sa listahan kon unsa ang gamitan sa pondo.
Namahayag ang gobernador nga kon unsa man ang gipanulti ni kanhi Vice Gov Joey Pelaez ang gi-base lamang niya kini sa pagsupak sa oposisyon sa Sangguniang Panlalawigan.
Gawas sa pagtukod sa bag-ong provincial jail,mopalit usab sa bag-ong mga sakyanan nga magamit sa matag-opisina sa kapitolyo ug pagtul-id sa kadalanan sa mga kalungsuran.
