CAGAYAN DE ORO CITY-Dad-on sa korte Cotabato city prosecutors office alang sa inquest proceedings ang tulo ka babaye ug usa ka lalaki nga Maranao nga unang nadakpan sa joint drug buybust operation sa Wao,Lanao del Sur.
Gibutyag ni PO3 Edwin Castor,imbestigador sa Wao Police Station nga lakip sa nadakpan ang prime target nga si Amerodin Alan Bantog ug ang iyang tulo ka kauban nga babaye.
Nakuha sa ilang posisyon ang napulo ka dagkong selopin sa shabu nga mitimbang sa 1.5 kilos.Miabot sa kapin P1.5 milyon ang street value sa nakompiskar nga druga.
Una niini, gitumbok nga sakop sa Maute ISIS terror group si Bantog apan iyang gipanghimakak dihang gipaubos sa imbestigasyon.
