CAGAYAN DE ORO CITY – Gikasuhan na ang high value target suspected drug pusher sa pagbaligya’g illegal nga droga ug illegal possession of firearms nga anaa sa listahan ni Pres Rodrigo Duterte nga utok sa pagpayuhot sa ilegal nga droga sa pipila ka bahin sa Mindanao nga nadakpan sa Kalilangan,Bukidnon.
Kini human unang nakuhaan sa balor 1.6 milyon pesos nga gitoohang shabu si Lester Carreon,45 anyos,minyo ug lumad taga-Sitio Malipayon,Barangay Topland,Koronadal City ug John Paul Carreon,estudyante nga West Kili-kili,Wa-o,Lanao del Sur.
Miingon si Bukidnon Provincial Police Office spokesperson Maj Jiselle Longgakit nga naaresto ang duruha sa hiniusang buy bust operation sa PNP ug Philippine Drug Enforcement Group o PDEG diin nakompiskar ang 238 gramos nga shabu,walay lisensiya nga armas ug Toyota Sedan nga gipanag-iya usab ni Rohanni Sumagayan gikan sa Iligan City.
Gibutyag ni Longgakit nga sa dili pa isulod sa regular jail ang mga dinakpan,ipaubos una kini sa swabtest aron masiguro nga dili makatakod sa COVID-19 sa mga mas una nga mga piniriso sa Bukidnon.
