Gi-aprubahan na sa Department of Budget and Management (DBM) ang pagpagawas sa 1.684 bilyon pesos nga pondo alang sa pagdugang sa quick response funds sa Department of Social Welfare and Develpment (DSWD), Department of Agriculture (DA), ug Philippine Coast Guard (PCG).
Gibutyag ni Palace Press Officer Atty Claire Castro nga madawat na sa maong mga ahensya ang ilang pondo aron mapadali ang ilang aksyon sa panahon sa kalamidad.
Ang maong pondo makatabang sa pagpalig-on sa emergency response ug paghatag sa tabang sa mga apektadong komunidad.
Gilauman nga mas paspas ang koordinasyon ug serbisyo.
Dugtong niini, gitin-aw sa palasyo ang bukas ang mga Enhanced Defense Cooperation Agreement o EDCA sites alang sa foreign assistance, ilabe sa mga nasud nga buot magpadala sa ilang puwersa aron mutabang sa rehabilitasyon sa mga apektadong lugar ug sa paglusad sa humanitarian aid.
