CAGAYAN DE ORO CITY – Giatubang karon sa mag-uuma nga suspected bigtime drug pusher ang pagsupak sa Republic Act 9165 o Dangerous Drugs Act of 2002 nga nadakpan sa hiniusang operasyon sa PDEA-BARMM kuyog ang kapolisan ug militar sa Narciso Ramos Highway,Brgy Daguan,Kapatagan,Lanao del Sur.
Subay sa PDEA BARMM,giila ang dinakpan nga si Samsudin Derula Dudarangin alyas Minso,35 anyos,minyo ug nagpuyo sa maong lugar.
Nabawi gikan sa suspek ang 250 gramos nga gitoohang shabu nga nagkantidad sa 1.8 milyon ka pesos.
Napasayon ang operasyon ug pagdakop sa suspek tungod sa suporta sa Kapatagan Police Station ug AFP’s Marine Batallion Landing Team 2.
Gawas sa nabawi nga gitoohang shabu,nakompiskar usab gikan sa suspek ang buy-bust money sa maong operasyon,pula ug itom nga mga motorsiklo ug celphone.
Nasuta nga nagsilbing area of distribution sa suspek ang syudad sa Marawi ug Lanao del Sur.
