CAGAYAN DE ORO CITY – Nag-atubang na sa kasong pagsupak sa Comprehensive Dangerous Drugs Act of 2002 ang duha ka suspected pushers nga nadakpan sa magkalahing operasyon sa kapolisan sa Bukidnon ug Iligan City.
Sumala ni Police Regional Office 10 Director Brig Gen Jaysen De Guzman nga maoy nadakpan is alyas Junnie nga taga-Valencia, Bukidnon.
Nadakpan si Junnie pinaagi sa checkpoint sa Pangantucan,Bukidnon diin nakuhaan sa 200 gramos nga gitoohang shabu sulod sa iyang belt bag.
Nasuta nga kanhi na nag-atubang sa susamang kaso ang biktima ug pagkupot sa ilegal nga armas.
Giila usab ang laing dinakpan nga si alyas Benie nga taga-Saray,Iligan City.
Nakuha usab gikan kaniya ang 70 gramos sa gitoohang shabu nga duany kantidad nga 476-mil pesos ug ubang paraphernalia.
Tungod sa nabawi kanila nga halos mag-dos milyones nga kantidad sa shabu,sila nag-atubang sa pagsupak sa Republic Act 9165 sa magkalahing piskalya sa maong mga lugar.
