CAGAYAN DE ORO CITY – Lisod tuhuan ang binuhutan sa pipila ka politiko nga gilambigit sa kurapsyon sa laing higayon ang Commission on Elections o Comelec.
Kini human ibulgar ni Sagip partylist Rep. Rodante Marcoleta nga dunay nakadawat sa uno bilyones pesos nga komisyon bugti sa pagpabor sa Comelec sa Miru System nga maoy moserbisyo sa 2025 elections sa nasud.
Miingon si CWGG 10 convenor Atty. Antonio Soriano nga posibleng dunay mga kompanya nga wala makagusto sa gihimo sa Comelec rason nga migamit usab kini’g laing personalidad aron dauton ang proseso sa eleksyon.
Siya miingon nga imposible ang giakusar ni Marcoleta ilabina sa pagbaton sa 49 ka offshore bank accounts nga nagtumbok nga daw iya ni Comelec chairman George Garcia.
