CAGAYAN DE ORO CITY – Mitala na sa sobra uno bilyones pesos ang damyos sa sektor sa agrikultura nga kanhi gikuso-kuso sa epekto sa bagyong Odette sa Northern Mindanao sa miaging Disyembre 2021.
Kini subay sa datos nga nahuptan sa Office of the Civil Defense 10 gikan sa lima ka probinsya ug duha ka highly urbanized cities nga apektado sa kalamidad sa rehiyon.
Gibutyag ni OCD 10 asst regional director Gilbert Conde nga misobra na usab sa 688 milyon pesos ang initial nga kadaot sa imprastraktura.
Siya miingon nga mausab pa kini nga datos ilabina nga wala pa sila makahimo sa ilang pinal nga assessment sa maong kalamidad.
Una nang apektado ang 45-mil 723 ka pamilya o 170-mil 791 ka indibidwal samtang wala pa’y labot niini ang walo ka namatay,28 samaron ingon man 861 ang totally damage nga kabalayan ug 6-mil 456 nga nasudlan sa tubig-baha.
