CAGAYAN DE ORO CITY – Napugnan ni kanhi PDEA 10 regional director Adrian Alvariño ang balor 1.28 bilyon pesos nga finish product sa shabu gikan Myanmar nga ipasulod unta dinhi sa Mindanao.
Kini human malusob ni Alvariño kinsa nagsilbi nang PDEA-NCR regional director kuyog ang PNP ug AFP ang warehouse diin gihimo ang buy bust operation batok sa tulo ka taga-Bukidnon nga dunay agalon nga negosyanteng Intsik sa Brgy Molino 3,Bacoor City,Cavite.
Giila ni Alvariño ang mga dinakpan nga sila si Jorlan San Jose,26 anyos;Joseph Maurin,38 anyos ug Joan Lumanog,27 anyos nga taga-Dominorog,Talakag,Bukidnon.
Miingon si Alvariño tungod sa nakompiskar nga 149 kilos nga gitoohang shabu,gikasuhan na ang mga suspek sa pagsupak sa Dangerous Drugs Act of 2022 sa piskalya sa maong lugar.
Samtang kusganon usab gihimakak sa tulo ka mga suspek sila nalambigit sa maong salaod.
