CAGAYAN DE ORO CITY-Iduso sa grupong National Confederation of Transport Union o NCTU-Northern Mindanao ang balor peso ngadto dos pesos nga usbaw sa pletehan sa mga jeep pasayruhan sa LTFRB-10 ning syudad sunod semana.
Kini sa tuyo nga makasugakod ang mga operator ug driver tungod sa giingong mibug-at pagsamot nga kalbaryo ilabina sa pagsaka sa presyo sa produktong petrolyo.
Miingon si NCTU regional coordinator Joel Gabatan nga dili unta nila gusto nga mangayo’g usbaw apan wala sila’y mahimo tungod sa pagsaka sa mga presyo sa batakang palaliton diin apektado ang transport sector.
Una usab niini,gibutyag ni LTRFB regional director Allan Guro nga hulaton nila ang petition sa NCTU aron paminawon ang ilang mga rason kon nganong angay ihatag kanila ang usbaw sa pletihan.
