CAGAYAN DE ORO CITY – Nahatag na ni Gov Bambi Emano ang balor uno milyon pesos nga ayuda gikan sa panudlanan sa kagamhanang probinsyal ngadto kang NMMC chief Dr Jose Chan.
Kini human unang giangkon ni Chan nga naglisod na sila sa paghupot sa ilang medical supplies nga magamit sa ilang medical personnel nga nag-atiman sa mga pasyente nga gipaubos sa NMMC isolation batok sa bahad sa coronavirus disease.
Miingon si Emano nga gawas niini,istrikto usab sila nga nagpatuman sa pagbantay sa mga entrada nga bahin sa lalawigan.
Kini aron kapanalipdan ang katawhan sa syudad batok sa mga tawo nga hayan dunay sintomas sa bayrus nga gikan sa laing mga lugar.
