Midamyos sa 1-milyon pesos ang sunog nga nahitabo sa Sitio San Roque Brgy Lapasan ning syudad.
Namahayag si Fire Inspector Mary Ranelie Salga, Chief Admin sa Chief Intellgence and Investigation sa Cagayan de Oro Fire District nga gibana-bana sa 20 ka balay ang nalamoy sa kalayo gumikan kay gama sa light materials ang mga istruktura niini.
Nagsugod ang kalayo alas 8:21 sa gabie ug nakontrolar ang kalayo sa alas 10:21. Misaka pa sa 4th alarm ang sunog tungod kay paspas ang pagkaylap sa kalayo.
Usa ang natala nga samaran, si Rogelio Sumalinog Jr kinsa nakadawat sa 2nd degree burn dihang iyang gisulayan pagpalong ang kalayo sulod sa ilang puy-anan.
Wala pay lead ang mga otoridad sa hinungdan sa sunog.
