CAGAYAN DE ORO CITY-Misaka pa sa usa ka milyon pesos ang damyos sa dakong sunog nga nahitabo sa Greenville Subd.,Brgy Kauswagan sa syudad.
Gibutyag ni Bureau of Fire Protection investigator John Rey Donasco nga mi-abot pa sa second alarm ang sunog human dunay duha ka pagbusikad sa interior nga bahin sa balay nga iya ni Dexter Dael.
Lakip sa nadamay ang balay ni Javelina Selches.Una niini, gi-angkon ni Dael nga nakadungog siya sa duha ka pagbusikad hinungdan nga tapot lawas ra ang iyang nasalbar gikan sa pagkasunog sa ilang balay.
Samtang gi-angkon ni Donasco sa Kauswagan Fire Substation nga nabuak nila ang “glass wall” sa konkretong balay ni Dael.
Namugos si Donasco nga wala silay lain option kundili ang paggamit sa ilang dagkong himan aron makabangag sulod sa
balay sa pamilya Dael.
Namahayag si Dael nga halos nalumos sa aso ang iyang mga kaubang bombero tungod kay sirado sa baga nga samin ug kongkretong pader. Hangtud karon walay pay lead ang BFP kon unsa ang hinungdan sa sunog.
