CAGAYAN DE ORO CITY-Mohatag si Regional Peace and Order Council chairman City Mayor Oscar Moreno sa P1
million reward money sa mga tawo nga makatabang pag-resolbar sa kamatayon ni USTP president Dr Ricardo
Roturas ning syudad.
Kini human gipusil-patay sa wala mailang mga suspek si Roturas samtang mosulod na unta sa
ilang pinuy-anan sa Golden Glow Village North Subdivision,Upper Carmen ning syudad sa miaging Sabado sa
kadlawon.
Giawhag ni Moreno ang mga tawo nga may kasayuran sa utok sa kremin pagsumbong sa kapolisan aron
mahatagan sa hustisya si Roturas.
Una nang nagtoo si Moreno nga may dako nga indibidwal nga utok sa pagpatay
kang Roturas tungod sa ka planado sa paghimo sa kremin.
Ang kamatayon ni Roturas ang gikakurat sa Philippine Association of State Colleges and Universities o PASUC diin siya nagsilbing ‘unopposed president’ sa upat na ka sunod nga termino.
Kasamtangang gihaya si Roturas sa Cosmopolitan Funeral Homes diin gitakda usab ibalhin sa USTP sa adlaw’ng Miyerkules.
