CAGAYAN DE ORO CITY – Kasuhan sa pagsupak sa balaod pagbagliya sa ilegal nga droga ang duha ka suspected drug pushers nga nadakpan sa hiniusang operasyon sa PNP sa Valencia City,Bukidnon.
Giila ni Lt Col John Ray Barazan,hepe sa Valencia City Police Station ang mga dinakpan nga sila si Raul Loregas,37 anyos ug Jonathan Ian Agdon,25 anyos,pulos mga ulitawo ug nagpuyo sa magkalahi nga brgy sa maong dakbayan.
Miingon si Barazan nga nakompiskar sa hiniusang puwersa nga operasyon gikan sa duruha ang 156 gramos nga gitoohang shabu nga nagbalor sa 1.6 milyon pesos ug ubang ebedensiya.
Gibutyag ni Barazan nga wala sa ilang listahan apan pulos bag-o ang duruha nga misulod sa kalihukan hinungdan nga gilusob sa mga otoridad kagahapong adlawa.
